#31. Ragnarok

On september 13, 2020 By dybingsUnder Ølbrygging, beer recipe, Brygging, NEIPA, OppskriftKommenter innlegget

Det er fyr i kjelen hjå Djupdalsbrygg! For å illustrere kor lenge sidan det har skjedd, kan ein ramse opp:

Liverpool har vunne Premier League
Underteikna har blitt smidd i Hymens lenkjer
Verda har fått ein pandemi
Leeds har rykka opp i Premier League

Om det ikkje er nok til å kalle eit øl Ragnarok, so veit ikkje eg?

Ragnarok : All you need to know about it [Detailed]

Det er ikkje tvil i at det har vore eit spesielt år. Denne våren fekk vi lære om kinesiske matvanar, og byar i Kina på W. Det har vel ikkje lukta så mykje fusel sidan «Brent ova i garden» gjekk av mote tidleg på 90-talet. I tillegg verka det på utvalet i butikkane, som om heile landet var meldt på «Hele Norge baker». Det mest fasinerande var vel likevel behov vårt for toalettpapir. Eit slikt forbruk har ein ikkje sett sidan Kebabfestivalen-93.

Hva er greia med å hamstre dopapir? - Koronavirus - Kvinneguiden Forum

Djupdalsbrygg gjekk sjølvsagt all in for hamsting, og etter to månader med Trøndersodd og Joika på boks, samt brød laga av malt og IPA gjær, var det no mogleg å komme inni garasja igjen for bygging. Det jobbast vidare aktivt med å redusere lageret. Eg kan anbefale ei to-i-ein løysing: Dopapirkaka.

Denne våren fekk og alle nordmenn stifta kjennskap med den romerske legionen. Brått skulle vi alle delast inn i kohortar, noko som ironisk nok i ein smittesamanheng, er ei fastsett eining på 480 infanteristar. Ein kontrovers i denne samanhengen er sjølvsagt strukturendringa for første kohort i år 100 etter kvitekrist, der først kohort kunne vere opp i 800 infanteristar, noko seriøse kohortistar naturleg nok ikkje anerkjenner.

Eit langvarig opphald i brygginga gjekk naturleg nok ikkje hus forbi hjå nornene. Brygginga hadde knappast starta, før den første knuten kom på lagnadstråden, og skandala var eit faktum.

Sidan bryggjeriet ikkje hadde vore brukt på ei stund, fann eg ut at eg skulle vaska utstyret dagen før bruk. Alt var då i skjønaste orden, og alt fungerte som det skulle.

På bryggjedagen starte eg prosessen som vanleg. Oppvarming av vatn, tilsetting av malt, og starte pumpa for å starte meskinga. Pumpa var derimot ikkje med på dette, og det kom ikkje noko ut av slangen. Alle gode busketriks blei no tatt i bruk, men framleis ikkje noko resultat. Maltet var i kjelen, og då er det ingen veg tilbake, sidan kjøling og mesking er uråd utan ei fungerande pumpe. Til slutt starta eg grunnleggjande feilretting, med sjekk av kontaktar og leidningar. Då viste det seg at kontakta til pumpa hadde glidd så langt ut under vask, at det ikkje lengre var kontakt. Når denne blei tykt inn igjen starta pumpa som den skulle.

Nornene var derimot ikkje ferdig med meg enda. Eg bryggja eit sett frå Bryggselv basert på Amundsen Apocalyptic Thunder Juice. Dette såg ut til allereie vere kverna, og sidan sette var blitt ganske gamalt, var eg redd for at utbytte skulle bli lågt. Eg kverna difor ein gong til. Dette resulterte i ein ganske finmalt malt, noko som filteret i Grainfatheren definitivt ikkje likte.

Som ein ser av bilda over rann det mykje rett i overløpet. Det gjer at vørter ikkje blir dratt gjennom sylinderen der maltet er, og ein får ikkje ut smak og sukker som ein skal. For å kome rundt dette måtte eg stadig stoppe opp for å røre i mesken, samt sette til nokre liter ekstra med vatn, for å tynne ut «grauten».

Når meskinga endeleg var ferdig, og eg skulle starte skyllinga, hadde nornene framleis ikkje gløymt meg. Maltet som skulle skyljast var like tettpakka som under meskinga. Ein treng ikkje vere den mest rosa flamingoen, for å skjønt at det tok tid.

Til slutt var det klart til kok. Mykje skum gjorde at eg putta nokre få humle pellets i ved kokestart, sjølv om dette settet eigentleg ikkje skal ha humle før etter kok. Det blei og tilsett laktose 10 minutt før kokeslutt, for å få den uklåre fargen som er kjennemerket til ein NEIPA.

Humlinga til dette settet er ikkje heilt som for vanleg øl. Første humle blei tilsett ved det ein kallar Whirlpool. Det vil seie 5 min etter at kokinga er over, og så fekk det kvile ei stund før kjølinga starta (helst oppimot 30 min). I tillegg var eg i det kreative hjørnet, og la til ein del humle fra eige lager.

Naturleg nok straffa nornene den kreative, og eg hadde eit konstant tett filter av humle under overføringa til gjæringskaret. Dette gjorde at eg måtte stå i ein lett, tvilsam framoverbøygd vinkel for å skrape filteret under heile prosessen. Om nokon i nabolaget skulle blitt beskyttande blinde, ber eg om orsaking for dette. Sjølv med aktiv skraping, blei det fleire stopp. Med stadig meire kreative løysingar for å få i gang igjen pumpa.

«Lønninga» for all røringa under meskinga kom i form av høg OG på 1,078. Sjølv om eg sette til ekstra vatn, ligg det an til å bli eit sterkt øl.

Utruleg nok gjekk tilsetting av gjær og humle greitt, og det blei litt over 23 liter til gjæring.

No har underteikna brukt så lang til på å skrive bryggeloggen, slik at ølet har hamna på fat. No er det slik at det meste av øl ikkje er glad i verken luft eller oksygen etter gjæring, men NEIPA er spesielt lite glad i dette. Det oksyderer ganske raskt ved kontakt med luft, og ein går da frå ein farge som tropisk juice, til noko som ser ut som ein urinprøve som gjev lite håp.

Don't be an anti-bottlite - Blogs - Beverly Citizen - Beverly, MA

For å ungå oksidering hadde vi alt ølet på Cornelius fat. Der er det heilt mørket, og ein tilset CO2 før fylling, slik at det ligg som eit beskyttande lokk. Totalt sat ein igjen med 17-18 liter øl, pga av alle humlerestane.

Sjølv om det var ein høg FG, gjæra ølet enda lengre ned enn det skulle. Ein sat igjen med ein OG på 1,012, noko som gjev ein ABV på 7,8%. Ein annan fasinerande effekt av all tørrhumla, var at ein fikk ein tricolour effekt i bøtta. Dessverre så gjorde desse humlerestane det vanskeleg å få ut alt ølet.

Oppskrift:

Forventet resultat:

OG: 1.064-68	FG: 1.017-19
42 IBU	ABV: 6-7%
7 EBC	Effektivitet: 75%

Malt:

6,1 kg Best Pilsen Malt, 3,5 EBC

300 g Flaket Havre

500 g Laktose (røres inn mot kokeslutt)

Totalt: 6,9 kg

Humle:

100g Mosaic 11,7%, whirlpool*
I tillegg blei det hatt i ein god neve Citra og Cascade

100g Mosaic, i gjæringskaret med gjæren
I tillegg blei det hatt i ein god neve Citra

200g Mosaic, tørrhumling, etter 7 dager gjæring
I tillegg blei det hatt i ein god neve Citra

Totalt: 400 g (Pluss noen never Citra og Cascade)

*Whirlpool: skru av varmen, vent 5 minutter, tilsett humleposen, rør rundt, vent 30 minutter, start nedkjøling.

Anbefalt gjær:

Safale US-05 / Safale S-04

White Labs WLP095 / Wyeast 1318

Du trenger omtrent 310 milliarder celler.

Vi anbefaler:

Rehydrering av tørrgjær: I en desinfisert beholder tilsettes 1 dl vann på ca. 25-30 °C per pakke tørrgjær. La det trekke i 20 min, deretter røres det inn og er klart til bruk.

Mesking:

Du kan meske på flere måter. Det enkleste er en enstegs infusjonsmesk:

67°C i 60 min, 78°C i 5 min.

Koking:

Dette settet kokes i 90 minutter. Tilsett humle som angitt under “Koking” i sjekklisten på neste side.

Gjæring:

14 dager på 20-22°C

#30 Julefantasi, sjette vers

On desember 25, 2019 By dybingsUnder Ølbrygging, juleølKommenter innlegget

Glade jul, heilage jul! Det er tida da lukta av svidd flesk blir spredd i nabolaget. No tenkjer du sikkert på kvit jul, gåver, juletre og velduftande mat i ovnen. Neida. Djupdalsbrygg har igjen klart å velje varmaste dagen i året til å brygge juleøl. Sjølv med 5 knappar opna i oljehyra luktar det svidd flesk. Det måtte ein sunnmørsk vérsimulator til (vasspreiar), for å få ned tempen på bryggjaren.

sprinkler

Englar kjem frå Guds kongestol. I Noreg kjem vel englane generelt frå kongestol, eller prinsessestol ein skal vere heilt korrekt. Engleskule har ein til og med fått, med fag som snøenglar, engelsk og korleis lage englestøv. (Noko som er mykje brukt på engleskolen verkar det som?) No skal det seiast at prinsessa har vore kritisert for å blande sin kongelege tittel inn i næringsverkemd. Difor har serien hennar med engleduns dyner blitt trekke fra marknaden. Det verkar rett og slett som om ein ynskjer å overgå sine russiske slektningar. Der tsaren hadde Rasputin, så har prinsessa fått Durek. Det er ikkje rart at englar landar hardt i skjul.

omg-an-angel-🙏-2353802

Blomar ber dei frå paradis. No er det slik at dei budde høgt og vakkert til i Djupdalen, men same kor vent der var, ynskja også djupdalingane seg til paradis. For å kome til paradis, lyt ein kome seg til vigsla jord. Det kunne by på utfordringar, spesielt vinterstid, for det er både langt og bratt ned til sjøen. Dette har gitt opphav til myta om at ingen har døydd i Djupdalen. Når Peder Åkernes kjente på det om hausten, tvilte han på at han stod over vinteren. Å måtte ligge i breen vinteren over frista ikkje, difor fota han seg ned til naustet. Derfra skulle det vere enkelt å frakte han til kristen jord. No hadde det seg slik at helsa til Peder var betre enn han sjølv trudde, og når våren kom, og det framleis stod til liv, gjekk han like godt opp igjen. Paradis kunne vente ei stund til.

heaven

Fint og fagert dei syng Guds pris. Når Djupdalingane hadde blitt meir landfaste, hald dei framleis saman som familiar gjer. Blant anna var Lisa Dybdal, som budde i Lisastova (for dei i Stordal som hugsar den), fast gjest hos besteforeldra mine. Ho heldt nok Guds ord meir heilag enn mange andre. Juleferinga starta alltid, som seg hør og bør, med lesing av juleevangeliet når Lisa var på besøk. Det som ikkje fall i like god jord hjå Lisa, var då Besten stilte opp som julenisse for smågutane. Då strauk ho på dør i protest mot ein slik ukristeleg figur.

julenisse

Løynleg ikring oss dei går. Sjølv om dei royale englane kanskje har noko tvilsamt opphav, går det faktisk englar blant oss. Om ein ser godt etter, kan ein faktisk sjå dei. Sjølv om dei for dei fleste av oss, er usynlege i det daglege. Dei står på sidelinja i regn og vind og trener eit lag, dei er frivillige på konsertar og på idrettsarrangement. Kanskje plukkar dei plast, eller kjem med båre den dagen du sit fast? Desse englane får ingen lovsong, men neste gong du ser ein eller ei, gi eit smil eller takk. For dei er ikkje så kravstore, desse englane.

frivillig

Løynleg ikring oss dei går. No lurer du kanskje på om underteikna er langt nede i refrenget på sjette vers, sidan forrige avsnitt vart so kjenslevart. Årsaka kjem av at underteikna las om Stordalsholmen i julenummeret av Bydebladet. Der stod historia om Jacobine som drukna på veg heim, etter å ha vore på kjærestebesøk i Stordal. Jacobine var ei av mine oldemødre (med to tippar foran.) Og medan historia enda der i Bydebladet, fortsette historia for sonen, som såg mora gå rundt med båten. I desse tider fantest ikkje dei sosial tenestene som ein har i dag. Då var det slekt eller naboar som stilte opp, og i Djupdalen tok ein vare på sine. Sjølv om dei allereie hadde sju born, opna dei heimen for ein til. (Og seinare også for enda ein, då også syskjenbornet også mista faren på sjøen.) No var det nok ikkje fjellgardene i Storfjorden som var blant dei fattigste, så mat fantes nok til ein munn til. Det som er meir utruleg er kor dei fekk plass til alle i ei lita stove?

djupdalen

No tek dette til å verte ein ølblogg på si, og ein må tilbake til brygginga. I år tok eg ein same procedure as last year, og hadde kjøpt inn eit sett med Ringnes julebokk fra Bryggselv. Dette settet gav bra resultat i fjor, og da tek eg nok ein engelsk floskel «never change a winning team.»

Det er 7,7 kg malt i dette settet, noko som er heilt på grensa av kva ein kan ha i ein Grainfather, spesielt når resultat skal bli 20 liter øl. Difor sa eg til meg sjølv i fjor, skulle lage dette settet ein gong til, skulle eg dobbelt meske. Denne visdomen var sjølvsagt gløymt i år, og same procedure as every year, så var ikkje skandala langt unna.

Same kor mange gonger eg rørte under meskinga, sleit eg med å få opp OG. Eg måtte til slutt jukse litt, og ty til spraymalt. Likevel nådde eg ikkje heilt opp dit eg skulle. Eg har desverre ikkje eksakte data, sidan Grainfather ikkje har oppdatert app’en sin til siste versjon av IOS. Noko som gjorde at eg har mist alle data om brygginga mi. Takk for det… Om eg hugsar rett, enda eg på 1,070 i OG. Skulle eg brygge dette settet til neste år, då skal eg dobbelt meske.

Enda på visa blei likevel eit godt øl, med ca 7% ABV. Sidan eg har vore så treg med den virtuelle pennen, har eg eit bildet fra prøvesmakinga av ølet. Heilt innafor.

Oppskrift:

Denne er hemmelig, så her lyt ein kjøpe eit sett frå Bryggselv om ein ynskjer å lage settet. Ølet blei veldig godt, slik det er absolutt og anbefale.

#28 Extra Special Bride, #29 Ale you need is love

On juni 15, 2019juni 15, 2019 By dybingsUnder Ølbrygging, ESB, IPA, OppskriftKommenter innlegget

Hjå Djupdalsbrygg er det stor aktivitet, sjølv om den virtuelle pennen har vore roleg ei stund. Etter å ha inngått festemål for litt over to år sidan, er det no klart for brudelaup. Festemann og festemøy skal bli ektefolk. Dvs. møy og møy. Etter å ha delt fell i 12 år, er vel det omlag like truverdig som historia om Maria Møy. Dei skriftlærde må ha vore langt ned i glaset når dei skreiv den delen av bibelen.

Image result for virgin mary funny

Det er sjølvsagt mykje å ordne i forbindelse med eit brudelaup, og Djupdalsbrygg overlet klokeleg planlegginga til den vise av oss. Noko av det vanskelege er å finne brudelin. Da er det nesten slik at det ikkje finns nok utsal i den vestlege verda, men lukkelegvis ordna det seg til slutt. For min del fann eg blåserken i fyrste butikken eg var inne i, og var godt nøgd med det.

Også blant æser og jotnar var det giftemål. I Trymskvida kan ein lese om jotnen Trym som stal hammaren Mjølner. Trym sitt krav for å gi hammaren tilbake til æsene, er at Frøya gifter seg med han, noko Frøya nektar blankt.

«Ingen honom
att fær heimta
utan han fører meg
Frøya til viv.»

Løysinga blir at ÅsaTor tok hennar plass, kledd i brudelin, slik Trym ikkje skulle kjenne han igjen.

Tor blir kledd opp som brud. ( Illustrasjon av Carl Larsson)

Trym blir mistenksam når Tor forsyner seg så godt av festmåltidet at det knappast er igjen noko til dei andre. Heldigvis er Loke med forkledd som terne, og han klarer å snakke jotnen rundt, ved å seie at Frøya ikkje hadde ete på åtte dagar. Trym ynskjer så eit kyss frå brura, men Tor krevja då å få sjå hammaren fyrst.

Han letta på linet,
var lysta te kysse,
men undan han stokk
endelangt i salen.
«Kvi er så illkvasse augo på Frøya?
Eld meg tykkjest or augo loga!»

No gjekk det ikkje godt for Trym, for når Mjølner blei tatt fram, greip Tor hammaren og gjorde av med alle jotnane. Når ein les dei to siste linjene i verset, kan ein kjenne igjen ein tilstand som det ein på moderne mål kallar «Bridezilla.»

Etter nokre veker i April som fekk sevja til å stige, var temperaturen i mai tilbake der ein den høyrer heime. Faktisk meinte vêrgudane på Blinderen at temperaturen var 6 grader under normalen. Noko som høyrest normalt ut for Sunnmøre. Diskusjonen på Sunnmøre har difor gått på om ein ville ha merka Ragnarok før Midgardsormen låg og vrei seg på plenen? Det, sidan ein stort sett har ein konstant Fimbulvinter?

Image result for fimbulvinter

Det må sjølvsagt bryggjast brudelaupsøl, og i den anledning hadde eg reist til Christiania for å studere kva øl som kunne passe for festen. Eg sette meg inn på Amundsen Bryggeri & Spiseri for å observere kva folk lika. Ut frå min observasjon er den gjengse øldrikkar frå Christiania ein mann med velfrisert skjegg. Han har litt store firkanta briller, og truleg er han særs god i Excel.

Image result for lambic funny

Desse karane drikk surøl. Gjerne så surt at ein får ståpels av første supen. Surøl er eit øl som blir laga i store opne kar, og spontangjærar ut i frå om det er Hugo Bernard (Oude Bruin) eller Louis (Labmic) som har vaska karet barbeint. Ein og annan gang er det begge som vaskar karet, og da bli det ei spesialutgåve som blir kjøpt av skjeggete menn, med firkanta briller, frå Christiania, som er gode i Excel.

Image result for goosebumps funny

No er eg ikkje så glad i surøl og ståpels, difor har eg valt nokon litt lettare variantar. Det blir ein ESB (English Special Bitter) og ein IPA fra Amundsen som heiter Ink and Dagger. Begge var kjøpt frå Bryggselv, då det er greitt å vite at ein får dei riktige ingrediensane.

#28 Extra Special Bride

Den første øla som vart brygga var ESB settet. Dette er ein pub-klassikar frå England, som er eit litt meir smakfullt øl enn ein pilsner/lager. Ølet er tenkt for dei som ynskjer å prøve heimebrygga øl, men som ikkje er glad i mykje humle.

Denne gangen starta skandala allereie før bygginga starta. Eg skulle legge inn oppskrifta i Grainfather appen, og her hadde det tydelegvis vore ei oppdatering på telefonen som ikkje app utviklarane var klar over. Plutseleg var det ikkje lenger mogeleg å legge inn komma i oppskriftene. Det byr på eit problem, sidan mange variablane er i kg. Til slutt måtte eg bare nytte 6 kg som maltvekt, noko som uansett var ganske korrekt. Dessverre sletta eg appen for å sjå om den fungerte etter reinstallasjon, noko det sjølvsagt ikkje gjorde. Da mista eg all historikk frå tidlegare brygg, noko som var ganske irriterande.

Image result for apple app funny

Med ein så god start på brygginga, var det ikkje lenge før Nornene skulle ha meir moro på min kostnad. Setta frå Bryggselv ser ut til å vere kverna på førehand, men eg er litt skeptisk på om ein treng friske kutt for å klare å hente ut det sukkeret som skal til frå maltet. Difor kverna eg alt ein gong til. Dette gjer at det blir meir mjøl og små restar i maltet, noko som fører til at det blir ei meir kompakt masse på botnen av innerrøret.

Sidan gjennomstrømminga då blir særs dårleg, vil det vere behov for mykje røring undervegs for at ikkje OG skal bli for låg. Ein ser raskt når gjennomstrøyminga går ned, ved at å følge med på overløpet. Når det startar å renne her, er det på tide å røyre meir. Eit anna triks er å ha i meir vatn, slik det blir meir volum å fordele malt i. Her vil det naturleg nok vere litt avgrensingar på kor mykje vatn ein kan ha i kjelen.

Det verka som om Nornene var nøgde med seg sjølv, og resten av brygginga føregjekk utan dei store hendingane.

Tilslutt var det nær 24 liter til gjæring med ein OG 1,062. FG enda til slutt på 1,012, noko som gjev ein ABV på 6,4%.

#29 Ale you need is love

Ein treng ikkje vere den største kondoren i fjellet for å skjøne at det neste settet då er IPAen. Etter ein strålande nasjonaldag, var 18. mai satt av til brygging, og skandala var som vanleg ikkje langt vekk. Eg fylde same framgangsmåte med å kverne ein gong ekstra som på ESBen. Overraskinga var difor ikkje stor når eg fekk same problema med gjennomstrøyming, og måtte fram med ausa for å røyre ekstra.

Fordelen med mykje elting av malt og vørter er at ein får eit særs godt utbytte på OG, sjølv om det er mykje arbeid.

Ein IPA har som kjent mykje humle, og dette settet er ikkje noko unntak. Faktisk er det ei humlebombe på 100 gr i Whirlpool, noko som eg mistenkte kunne gje utfordringar for både filter og pumpe. Ganske riktig så blei tapping på fat ei øving som kravde mykje TLC.

Til slutt blei det 24 l til gjæring. OG på 1,064 og ein FG på 1,011. Dette gjev ein ABV på 7,0 %.

Oppskrift

Extra Special Bride

Allgrain, 25 liter

Forventa resultat:

OG: 1.058	FG: ~1.012
37 IBU	ABV: ~6%
24 EBC	Effektivitet: 75%

Malt:

5,5 kg Crisp Maris Otter Malt, 5,5 EBC

400 g Crisp Crystal 150, 150 EBC

100g Crisp Crystal 240, 240 EBC

100g TF Amber Malt
Totalt: 6,1 kg

Humle:

Humletilsetning 1: 55g Challenger/East Kent Golding, 60 min

Humletilsetning 2: 20g Challenger/East Kent Golding 5,8%, 15 min

Humletilsetning 3:20g Challenger/East Kent Golding, tørrhumle.

Totalt: 95 g

Anbefalt gjær:

Safale S-04

Anbefalt:

Klarningsmiddel. Gjev eit klarare øl ved å auke utfelling av protein.

Rehydrering av tørrgjær: I ein desinfisert behaldar tilset ein 1 dl vatn på ca. 30-35 °C per pakke tørrgjær. Lat det trekke i 20 min, deretter røres det inn og det er klart til bruk.

Mesking:

Du kan meske på fleire måtar. Det enklaste er ein einstegs infusjonsmesk:

67°C i 60 min, 78°C i 5 min.

Kor mykje vatn du skal bruke avheng av utstyret ditt:

Koking:

Dette settet kokast i 60 minutt.

Gjæring:
Det er viktig å bruke riktig mengde gjær på rett temperatur. Husk at gjæra lagar ølet!

14 dagar på 18-20°C.

Husk å oksygenere vørteren ved risting, vørterlufter eller ren oksygen.

Flasking:

For å få kullsyre på flaskene må du tilsette litt sukker når du flasker. Det er viktig å bruke passe mengde sukker:

Bruk 5 gram sukker per liter ferdig øl.

Tapping på fat:

Dette ølet bør ha 2 volum CO2.

Lagringstid:

Først to veker ved romtemperatur for karbonering, deretter kaldt i omlag to veker.

Ale you need is love

Allgrain, 25 liter

Forventa resultat:

OG: 1.057-62	FG: 1.010-14
~65 IBU	ABV: 6,2%
7 EBC	Effektivitet: 75%

Malt:

6,5 kg Pilsen Malt
Totalt: 6,5 kg

Humle:

Pose 1: 17g Magnum 11,9%, 60 min

Pose 2: 6g Citra, 6g Mosaic, 6g Simcoe, 10 min.

Pose 3: 50g Simcoe, 25g Citra, 25g Mosaic 12,5%, Whirlpool*

Pose 4:75g Citra, 75g Mosiac, 37g Simcoe, tørrhumle

Totalt: 322 g

*Whirlpool: skru av varmen, vent 5 minutt, tilsett humleposen, rør rundt, vent 10 minutt, start nedkjøling.

Anbefalt gjær:

Safale US-05

Anbefalt:

Klarningsmiddel. Gjev eit klarere øl ved å auke utfelling av protein.

Rehydrering av tørrgjær: I ein desinfisert behaldar tilset ein 1 dl vann på ca. 25-30 °C per pakke tørrgjær. Lat det trekke i 20 min, deretter røres det inn og er klart til bruk.

Mesking:

Du kan meske på fleire måtar. Det enklaste er ein einstegs infusjonsmesk:

66°C i 60 min, 78°C i 5 min.

Kor mykje vatn du skal bruke avhenger av utstyret ditt.

Koking:

Vørteren kokast i 90 minutt.

Gjæring:
Det er viktig å bruke riktig mengd gjær på rett temperatur. Husk at gjæret lager ølet!

14 dagar på 18-20°C

Husk å oksygenere vørteren ved risting, vørterlufter eller ren oksygen.

Flasking:

For å få kullsyre på flaskene må du tilsette litt sukker når du flasker. Det er viktig å bruke passe mengde sukker:

Bruk 6 gram sukker per liter ferdig øl.

Tapping på fat:

Dette ølet bør ha 2,5 volum CO2.

Lagringstid:

Først to veker ved romtemperatur for karbonering, deretter kaldt i 2-3 veker.

#27 Друг патриота aka Patriotens venn

On desember 26, 2018 By dybingsUnder Ølbrygging, Oppskrift, StoutKommenter innlegget

Kamerater foren eder! Komintern har kome med direktiv 57: Rusian Imperial Stout til folket. Under trussel om ein lengre vinterferie i Sibir, stilte Djupdalsbrygg sjølvsagt velvillig opp.

soviet-beer

Skal ein lage RIS må ein sjølvsagt samle folket, og Djupdalsbrygg samla raskt inn proletareatet. For at det ikkje skulle bli noko slinger i valsen, utnemnde Djupdalsbrygg seg sjølv til politisk kommissær. Det vart raskt klart at delar av proletaret trengde ein politisk korreksjon, og dei blei difor deportert til politisk omskulering i GULag leir 23.

Sidan Gosplan krevjar ein treårsplan for produksjon av stout, måtte det vere ein kraftig stout som skulle lagast. Her skulle det ikkje vere noko vesteleg dekedanse, men gode varer frå kolkhoset.

Vi starta brygginga med å synge «Opp, alle jordens bundne treller» og «Hymne til Sovjetunionen», før Djupdalsbrygg haldt ein flammande tale om kollektivets fortreffelse og imperialsmens feil. Etter det blei det bolsjevikane sin skål, før vi sette i gang. Det viste seg raskt at ein hadde nokre dissidentar i flokken, og desse blei omgåande deportert til leir 23.

Det varte ikkje lenge før både Pravda og TASS dukka opp for å dekke eit slikt storhende, og kameratane nytta høve til å oppdatere seg på stoda i verda.

Sidan det var gode 11 kg malt i brygget, måtte vi sette ein plankomite på 20 mann for å avklare korleis ein skulle klare eit brygg med så mykje malt. Det blei einstemmig vedtatt (18 mot 0, to dissidentar deportert) at ein skulle nytte dobbeltmesking. Etter å ha satt ein ny plankomite for å beregne vassmengd, (nok ein gong enstemmig) var det klart for første meskerunde. Det er greit når demokratiet fungerar.

Den ypperlige sovjetiske Grainfatherski, ei videreutvikling av eit vestleg imperialist bryggeri, starta opp. Første runde av meskinga gjekk som den skulle, men det gjekk ikkje lenge før skandale melde seg på runde to. Når ein dobbeltmeskar med så mykje malt, blir vørteren ganske tjuktflytande. Dette gjer at ein må røre mykje for at ikkje all vørter skal renne i overløpet. Til slutt, med god innsats fra patriotiske kamerater, fekk ein flyten også på runde to.

Det viste seg at når mesken var ferdig, så var preboil OG under det som var forventa. Feil gjer ein som kjent ikkje i arbeidarane sitt paradis, og nok ein gang måtte ein deportere dissidentar. For å rette opp feilen, var det berre å hoppe i Moskvitchen og køyre og kjøpe spraymalt. Moskvitchen, produsert på same fabrikk som AK47, og som av vonde imperialistiske tunger er omtale om den mest døydelege av dei to.

Partikommisær Moen kom for å inspisere resultatet, og i god partiånd hadde vi sprengt skalaen på måleutstyret. Det hadde nok ikkje vore nødvendig med spraymalt likevel, og med ein OG på 1,115 var Djupdalsbrygg nøgd med resultatet.

Dessverre var det berre 17 liter igjen til flasking, og Djupdalsbrygg mistenkte elitiske kvitegardistar for å stå bak svinnet, slik vi deportert resten av arbeidarane for sikkerhets skuld. Med ein FG på 1,032 har brygget ein styrke på 10,9%. Dette skal varme patriotisk hjerter i den kalde tida.

Oppskrift:

OG: ~1.105	FG: ~1.026
75 IBU	ABV:~10-11%%
120 EBC	Effektivitet: 70%

Malt:

7 kg Best Pale Malt

900 g Best Munich Malt Dark, 25 EBC

900 g Crisp Caramalt, 30 EBC

650 g Best Melanoidin Malt, 70 EBC

550 g Crisp Chocolate Malt, 1000 EBC

470 g Flaket Havre

340 g Crisp Roasted Barley, 1200 EBC

340 g Special B Malt, 350 EBC

Totalt 11,15 kg

Humle:

70 g Magnum, 60 minutter

Anbefalt gjær:

4 pakker Safale US-05

Mesking:

Du kan meske på fleire måtar. Det enklaste er ein einstegs infusjonsmesk, men med så mykje malt er dobbeltmesk og anbefale.

66°C i 60 min., 78°C i 10 min.

Koking:

Kok i 120 minutter.

Gjæring:
Det er viktig å bruke riktig mengd gjær på rett temperatur. Husk at gjæra lagar ølet!

Ca. 14 dager på 18°C.

Flasking:

Bruk 5,5g gram sukker per liter ferdig øl.

#26 Julefantasi, Femte vers

On desember 23, 2018desember 23, 2018 By dybingsUnder Ølbrygging, juleølKommenter innlegget

Sol, sol, sol. Kva skjer på Sunnmøre? Er det Ragnarok? Har Trump bygd ein mur mot regnet? Har kvitekrist tenkt å fikse på fargen på stranda? Ikkje veit Djupdalsbrygg, men faktum er at Sunnmøre hadde ein sommar det vil bli snakka om i 100 år.

thor__beer__illustration_by_illusgator-d77bgzf[1]

Djupdalsbrygg valte sjølvsagt varmaste sommardagen for å brygge juleølet. Det er ikkje vanskeleg å sett oss i julestemning, men sjølv med fire knappar opna i oljehyra, var det ein varm dag. Ein treng ikkje vere den best kledde pingvinen på isen for å skjøne at her kjem det til å lukte svidd. No var det ingen veg tilbake, og eg starta førebuingane. Greates Oopmpah hits blei bytta ut med Deutsche Weihnachtslieder, og sjølvsagt blei juletujaen tend.

sol

No lurer de sikkert på kvifor eg ikkje har publisert noko tidlegare, sidan ølet faktisk var brygga i midten av juli? Etter så mykje solskinn, gjekk eg som alle andre sunnmøringar, inn i eit heiterelatert koma. Difor måtte det mange månader til med ekte sunnmørsk ver til for å få kjølt ned kroppen igjen. Heldigvis kjem det regn etter sol på sunnmøre. Mykje regn skal det seiast.

aa49da0a4eac87baef0da1d6a8fa43e8--beer-memes-beer-humor[1]

Djupdalsbrygg er klar for jul!

Etter å ha brukt same oppskrift nokre år, fann eg ut at eg skulle prøve noko nytt i år. Eg kjøpte difor eit sett med Ringnes Julebokk frå Bryggselv. Med eit ferdig bryggesett kunne vel ikkje noko gå gale? Sjølvsagt var ikkje skandala langt unna. Etter å ha pådratt meg eit tyngre solstikk allereie under fylling av vatn, var det ikkje noko rart at eg ikkje reagerte på maltmengda i settet. Eg starta difor med godt mot, og fylte opp bryggeriet med malt. Ganske raskt viste det seg at gode 7,7 kg med malt er i overkant for Grainfatheren. Det førte til at gjennomstrøyminga ikkje fungerte som den skulle, og det vart problem med å hente ut den sukkermenga som ein skulle hatt frå maltet.

Problema under meskinga gjorde at Preboil OG var altfor lav. Gode råd var difor dyre, og eg hoppa i bilen for å kjøpe spraymalt. Med en kilo spraymalt i bagasjen, returnerte eg, og fekk det opp i kjelen. Det måtte mykje røring til for å få blanda ut så mykje spraymalt, men til slutt var det klart for tapping på fat.

Til slutt enda eg på 1,082 i OG som ikkje er så langt frå 1,086 som var målet. Gjæringa kom heller ikkje heilt i mål. Her enda eg med ein FG på 1,023, medan den skulle ha vore 1,015. Dette gjorde at ølet blei litt svakare enn det skulle. Det blei eit øl på 7,7%, så er det nok litt meir sødme enn det skulle ha vore.

Oppskrift:

Denne er hemmelig, så her lyt ein kjøpe eit sett frå Bryggselv om ein ynskjer å lage settet. Ølet blei veldig godt, slik det er absolutt og anbefale.

25. Tour the Teodor

On juli 16, 2018 By dybingsUnder Ølbrygging, beer recipe, IPA, OppskriftKommenter innlegget

Sunnmøre badar i solskin. Austlandet er stort sett i brann, og Nord-Norge… Jaja, ein kan ikkje vinne kvar gong. Det har faktisk vore så varmt at underteikna ikkje berre har opna ein eller to knappar på oljehyra, her har det vore oppe i tre opne knappar! Noko som må seiast å vere på grensa til frivolt. Naturleg nok går det ikkje lenge før sunnmøringen slit med både varme og lav luftfuktigheit, og difor må trekke inn og rehydrere.

All denne rehydreringa har gjort innhogg i øleskapet, og det må difor bryggast igjen for å ikkje ha tomme skap til hausten. Sidan garasjeportopnaren min hadde takk for seg, blei det eit dobbelt prosjekt med brygging og mekking. For alle som har sett ein mann gjere to ting på ein gong, veit ein korleis dette går. Ikkje heilt på skinner som ein ser.

No er jo dette ein innhaldsrik sommar, der både VM i fotball og Tour de France er på plakaten. Noko som leia meg inn på ein som ikkje var like stø på sykkel. For oss som vaks opp med rikskringkastingen som einaste kanal, blei vi kjend med ein liten bamse på trehjulssykkel som rasa rundt, og som stort sett enda i elva med etterfølgjande: “Det gikk jo bra jo, så rart?”

elv

Det rare var vel at ingen på 70-talet stilte spørsmål om ei slik greinalaus sykling? Kva gjorde at Teodor nesten utelukkande forulykka når han sykla? Var det dei sjarmerande «Brum, brum» som redda Teodor, eller hadde onkel Lauritz kontaktar som haldt den vesle bjørnen ute av trøbbel? Rykta seier at Teodor hadde sin eigen «sykkelbrus», som han stadig kokte saman på kjøkkenet.

hqdefault[3]

Tilbake i garasja blei bruksrettleiinga på porten vart lagt fram, medan maltet var til mesking. Sidan festa til portenopnaren var like med dei som var der frå før, gjekk jobben raskt med å få opp den nye.

Skandala var som vanleg ikkje langt unna. Rettleiinga var lagt fram, men sjølvsagt ikkje lest. Når porten skulle programmerast blei det difor ei lita avsporing, sidan eg ikkje hadde fått med meg kva knapp som skulle trykkast på for å stoppe porten på veg opp. Det var likevel ikkje ein stor jobben å få alt tilbake på skinner, og med brukarrettleiinga lest denne gongen, var porten klar før kokninga var ferdig. Ein OG på 1,060 var innanfor, og det var klart til tapping på gjæringskar.

Med to prosjekt på ein gong er det vel heller ikkje overraskande at det kom enda ei skandale. Sidan dette er ein IPA, er det mykje humle i brygget. For å få ut dei rette oljene ut av humla, skulle aromahumla tilsetjast i «Whirlepool», noko som i dette tilfelle var 5 minutt etter at brygget var ferdig kokt. Desse 100 gramma med humle var ikkje filteret i Grainfatheren heilt begeistra for, og eg hadde ei stri tørn for å få vørteren over i gjæringskaret. Dessverre så blei det igjen nokre liter i tanken, då dette var berre ei tjukk humlesuppe som ikkje ville gjennom pumpa.

Til slutt stod det 23 liter til gjæring.

Sidan eg har vore så treg med skriving av bryggerapporten, har ølet rukket å blitt flaska. Det var nærare 200 gr tørrhumle i brygget, og dette laga litt problem for tapping på flaske. Ein del av tørrhumla hadde ikkje sunke til botn, noko som gjorde at det blei mykje humlerestart når ein stakk om. Til slutt måtte vi gi oss på litt over 20 liter. Humlerestar tetta i tillegg tappepinnen, slik at det tok lang tid å få alt på flaske. FG var på 1,011, noko som gir ein ABV på 6,4%. Totalt blei det 40 flasker til karbonering.

Oppskrift: Tour the Teodor

American IPA

Type: All Grain
Batch Size: 25,00 l
Boil Size: 30,00 l
Boil Time: 90 min
End of Boil Vol: 26,25 l
Final Bottling Vol: 23,00 l
Fermentation: Ale, Two Stage

Equipment: Grainfather

Ingredients
Amt	Name	Type	#	%/IBU
6,50 kg	Pilsner (2 Row) Ger (3,9 EBC)	Grain	1	100,0 %
17,00 g	Magnum [12,00 %] – Boil 60,0 min	Hop	2	18,1 IBUs
6,00 g	Citra [12,00 %] – Boil 10,0 min	Hop	3	2,3 IBUs
6,00 g	Mosaic (HBC 369) [12,25 %] – Boil 10,0 min	Hop	4	2,4 IBUs
6,00 g	Simcoe [13,00 %] – Boil 10,0 min	Hop	5	2,5 IBUs
6,00 g	Simcoe [13,00 %] – Boil 10,0 min	Hop	6	2,5 IBUs
50,00 g	Simcoe [13,00 %] – Steep/Whirlpool 5,0 min	Hop	7	10,4 IBUs
25,00 g	Citra [12,00 %] – Steep/Whirlpool 5,0 min	Hop	8	4,8 IBUs
25,00 g	Mosaic (HBC 369) [12,25 %] – Steep/Whirlpool 5,0 min	Hop	9	4,9 IBUs
75,00 g	Citra [12,00 %] – Dry Hop 7,0 Days	Hop	10	0,0 IBUs
75,00 g	Mosaic (HBC 369) [12,25 %] – Dry Hop 7,0 Days	Hop	11	0,0 IBUs
37,00 g	Northern Brewer [9,00 %] – Dry Hop 7,0 Days	Hop	12	0,0 IBUs

Gravity, Alcohol Content and Color

Est Original Gravity: 1,059 SG
Est Final Gravity: 1,014 SG
Estimated Alcohol by Vol: 5,9 %
Bitterness: 47,9 IBUs
Est Color: 7,5 EBC

Measured Original Gravity: 1,060 SG
Measured Final Gravity: 1,011 SG
Actual Alcohol by Vol: 6,4 %
Calories: 427,1 kcal/l

Mash Profile

Total Grain Weight: 6,50 kg

Mash Steps
Name	Description	Step Temperature	Step Time
Mash In		66,0 C	60 min
Mash Step		78,0 C	5 min

Carbonation and Storage

Fermentation:
Age for: 14,00 days
Storage Temperature: 19 C

Carbonation:
Carbonation Type: Bottle
Carbonation Used: Bottle with 6 g Sugar a liter

X-mas Brew Off

On mars 5, 2018mars 5, 2018 By dybingsUnder Brygging, juleølKommenter innlegget

Da er det igjen klart for årets høgdepunkt. Konkuransen som får Hoxha sin albanske valsiger på 99,9% til å verke som ein siger for demokratiet. Konkurransen der det verken blir fugl, fisk eller mål. Konkuransen som har dommarar som vart utestengt frå den Russiske OL troppen i Sotsji, for mangel på etikk og moral.

No vil kanskje nokon seie at det er seint med ein juleøltest i mars, men hjå Djupdalsbrygg er himmelen alltid grå, og kvar dag ein kvardag, så juleøl drikk vi når det passar oss.

Årets deltakarar er Fjerde vers frå Djupdalsbrygg. Tredje vers, brygga av Tor. Nei, det er ikkje ÅsaTor som har vridd Ægir for nokre gylne dropar, men Tor på jobben. Og til slutt Sambryggeriet. No hadde det seg slik at Sambryggeriet, etter å ha tapt dugleg kvart år i BrewOff, ikkje hadde laga noko juleøl i år(fjor). Orsaka var at Knoll skulle til Hawaii under jula, og Tott skulle bo i snøhole i Stordal. Ein kan naturleg nok ikkje bryte tradisjonane med å ha med Sambryggeret i testen, og difor er Sambryggeriet i år representert med ein Budweiser. Lyst og lett, slik som Sambryggsgutane likar det.

Nornene straffa naturleg nok brot på tradisjonane hardt, og Knoll måtte bruke 3 dagar i San Fransisco i hyggeleg konversasjon med flyplass personell for å kome seg heim frå Hawaii. Han har lært leksa, noko som har resultert i at han allereie har satt årets juleøl.

For å imøtekome kritikken mot partisk dømming så har eg i år som tidlegare vurdert blindtesting, men sidan eg har fått meg databriller i år, så lyt det vere nok at dei er av.

Med øl i glaset og snacks i skåla var det berre og starte testen.

Som ein ser var det litt skilnad på årets deltakarar. Djupdalsbrygg, og Tor har bryggja same oppskrifta, medan Sambryggeriet har levert ein lys og lett, slik som dei likar det.

Fjerde vers. Allereie før start var den ein stor favoritt. Når alle var helt opp, ser ein at det var den øla som hadde minst kolsyre. No skal helst ikkje slik øl bruse alt for mykje, men det kunne gjerne ha vore litt meir bobler og skum. Den har rund og fin smak, men det kunne kanskje vore enda meir smak og sødme. Eit god drikkeøl.

Tredje vers. Tor si første deltaking i verdas tøffaste juleølkonkurranse starta bra. Her er fargen riktig, og også litt meir kolsyre enn i neste vers. Smaken var litt skarpare, og ikkje så rund som på Fjerde vers. Ein god debut.

Sambryggeriet. Den var lys og lett. Raud og fin boks.

Og vinnaren er:

Årets beste juleøl var Rudolf spesial. Eit veldig godt øl til juleribba, og med eit år ekstra lagring var litt av røykspon smaken borte. Nok ein gong gratulerer Djupdalsbrygg seg sjølv med ein godt gjennomført, og upartisk konkurranse. Vi fortsette å levere ein straum av nyttig forbrukarinformasjon til massane.

24. Thank You, Come Again

On februar 22, 2018 By dybingsUnder Ølbrygging, Brygging, Etikett, IPA, OppskriftKommenter innlegget

Olympiade, lumske koreanske vindar, gullrush. Djupdalsbrygg er tilbake! Vi er like treffsikre som skiskytter jentene. Like flink å hoppe av i svingen som Henrik Kristoffersen. og like engasjert som Knugen.

th[2]

Etter nokre bryggerelaterte lyskebrokkar(faktisk heilt sant!) med påfølgande operasjon, fekk underteikna klar beskjed om å halde seg vekke frå brygginga til eg hadde grodd skikkeleg saman. Doktormannen skal ein som kjent lyde, og det har difor vore nokre stille månader i bryggeriet. Det hjelpte heller ikkje at ein etterfølgande sunnmørsk fimbulvinter, som får Ragnarok til verke som ein koseleg sommardag, laga ei lita istid på sunnmøre. No har derimot isen gått, og endeleg putrar det i gjærlåsen på Djupdalsbrygg.

51cc76ccc856116276000009_736

Denne gangen har eg nytta ei oppskrift frå Threehouse Brewing commpany på ei øl som heiter Hoppy thing. Dette er då ein American Indian Pale Ale. Ein kunne naturleg nok då ikkje kalle det American Pale Ale(APA), for det ville jo gjort ting litt for enkelt. Den må heller ikkje forvekslast med ein West Coast IPA, East Coast IPA eller ein New England IPA (New England ligg jo då også sjølvsagt på austkysten). Det slutar sjølvsagt ikkje her eller, då ein har Double IPA som også blir kalla Imperial IPA, som naturleg nok kjem frå Amerika. No sit eg snart og GAPA, som då er ein Gåseidsk American Pale Ale.

thankyou

Ivrig på å kome i gang så hadde eg starta førebuingane allereie laurdag, og sjølvsagt var ikkje skandala langt vekke. Om det var fordi nokon hadde tatt ein bit av eple på EDB verkøyet er ikkje godt å seie, men det var omlag umogeleg å få lagt inn oppskrifta på Grainfather App’en.

Sidan problema starta allereie dagen før brygginga, var det berre å finne fram dei fine, grøne joggeskoa og håpe på det beste. Desverre gjekk det ikkje lang tid før problema igjen kom til overflata. Det er nesten 7 kg korn i dette brygget, og dette likte ikkje Grainfatheren. Under meskinga har ein eit rør fylt med malt i Grainfatheren. For å få hente ut mest mogleg sukker frå maltet, lagar ein gjennomstrøyming ved å pumpe mesken frå botnen og opp på toppen. Skulle forhaldet mellom malt og vatn bli feil, endar ein med ein tjukk graut som mesken ikkje renn gjennom. Normalt sett vil dette løyse seg opp når ein finn fram sleiva, men denne gong hamna mesken i overløpet sjølv etter fleire røringa. Det enda med at eg måtte sette til ein liter til med vatn for at ein skulle få gjennomstrøyming.

Etter mykje om og men, var det endeleg klart for å skylle ut siste rest av sukkeret.

Med alle problema tidleg i meskinga, og mykje ekstra røring, fekk ein eit positivt utslag på OG. Eg enda med ein OG på 1,071, noko som var 0,006 meir enn forventa. Dette betyr at det blir eit sterkt øl om det gjærar ut som det skal.

Til slutt sat eg igjen med 23 l vørter til gjæring, og ein masse oppvask…

Thank you, come again

American IPA (14 B)

Type: All Grain
Batch Size: 23,00 l
Boil Size: 28,00 l
Boil Time: 60 min
End of Boil Vol: 25,50 l
Final Bottling Vol: 21,00 l
Fermentation: Ale, Two Stage

Date: 18 Feb 2018
Brewer: Djupdalsbrygg
Asst Brewer:
Equipment: Grainfather
Efficiency: 73,00 %
Est Mash Efficiency: 80,9 %

Ingredients
Amt	Name	Type	#	%/IBU
6,50 kg	Pale Malt (2 Row) UK (5,9 EBC)	Grain	1	95,2 %
0,20 kg	Caramel/Crystal Malt – 60L (118,2 EBC)	Grain	2	2,9 %
0,13 kg	Honey Malt (49,3 EBC)	Grain	3	1,9 %
40,00 g	Magnum [10,80 %] – Boil 60,0 min	Hop	4	39,5 IBUs
36,00 g	Amarillo [9,20 %] – Boil 20,0 min	Hop	5	18,3 IBUs
36,00 g	Centennial [10,00 %] – Boil 20,0 min	Hop	6	19,9 IBUs
52,00 g	Simcoe [13,00 %] – Boil 0,0 min	Hop	7	0,0 IBUs
34,00 g	Amarillo [9,20 %] – Boil 0,0 min	Hop	8	0,0 IBUs
34,00 g	Centennial [10,00 %] – Boil 0,0 min	Hop	9	0,0 IBUs
1,0 pkg	Safale American (DCL/Fermentis #US-05) [50,28 ml]	Yeast	10	–
34,00 g	Amarillo [9,20 %] – Dry Hop 5,0 Days	Hop	11	0,0 IBUs
34,00 g	Centennial [10,00 %] – Dry Hop 5,0 Days	Hop	12	0,0 IBUs
34,00 g	Simcoe [13,00 %] – Dry Hop 5,0 Days	Hop	13	0,0 IBUs

Gravity, Alcohol Content and Color

Est Original Gravity: 1,065 SG
Est Final Gravity: 1,012 SG
Estimated Alcohol by Vol: 6,9 %
Bitterness: 77,7 IBUs
Est Color: 15,6 EBC
Calories: 427,1 kcal/l

Mash Steps
Name	Description	Step Temperature	Step Time
Mash In		66,0 C	50 min
Mash Step		75,0 C	10 min

Carbonation and Storage

Carbonation Type: Bottle

Fermentation Temperature: 19 C

Ferment: 14 days

#23 Julefantasi, Fjerde vers

On august 31, 2017 By dybingsUnder Ølbrygging, Etikett, Flasking, juleølKommenter innlegget

«Same procedure as last year, Miss Sophie? Same procedure as every year, James!” Neida. Djupdalsbrygg snakkar ikkje om glansbileta frå regjeringskåte politikarar. Her er det sjølvsagt Julefantasi på gang. Djupdalsbrygg sitt Blandarkor håpar å unngå sure notar frå i fjor, og stemmer difor i med Fjerde vers. No ser eg på meg sjølv som av den vågale typen sunnmøring (av den typen som har hatt Taco på torsdag ein gong), men når det kjem til juleølet blei det naturelg nok ein Julefantasi.

5PWIJU2X

No skal det seiast at fjorårets Julefantasi gjekk inn i historia som det største skandalebrygget i Djupdalsbrygg si historie. Nornene veit å straffe den vågale, og sidan eg lefla med våtgjær, enda eg med ein Yeastgate. Det byrja så bra med eit velsmakande øl, men når ein kom ut i november starta det med at enkeltflasker byrja å bruse over. No skal ein vel ikkje skulde Trump for alt som er gale i verda, men det starta vel sånn ca akkurat når han blei valt.

Eg klarte sjølvsagt å velje den einaste dagen i året det gjekk an å kneppe opp øvste knappen på oljehyra for brygging av juleølet. Sommaren er ein underleg ting på Sunnmøre. Eg føler ein er i ein evig Game of Thrones tilstand, der det vekslar mellom Winter is coming, og Winter has come. Men av og til må sjølv Nornene sleppe til Sol, datter til Mundilføre, og då er det vel ikkje nokon gildare stad enn Sunnmøre.

Når ein først er inne på digresjonar så var vikingane dei første til å innsjå viktigheita av Ozonlaget. I diktet Grimnismål seier Odin at framfor sola er det eit skjold ved navn Svalin, og om skjoldet fell frå sin frontale posisjon vil fjellene og havet brenne opp. Heldigvis er jo dette fake news.

Svalin mun stande

framføre sol

skjold for skinande gud;

berg og brim

eg veit brenne skal

om han fell ifrå.

Sjølv om det var ein varm dag, var det på med den nye varmekappa. Eg har innsett at det sparar mykje tid i siste del av oppkokinga med denne på. Malt blei tilsatt i Grainfatheren, og det gjekk ikkje lenge før ein byrja å få farge på vørteret.

Det er ikkje mykje humle i dette ølet, og eg er ikkje så begeistra for alle moglege tilsetjingar slik som ein del andre juleøl inneheld. Difor blir det eigentleg maltet som blir smaksgjevaren her. Det er og grunnen til at ein trenge nokre månader på lagring før at smaken skal få sette seg.

Sidan det er lite humle i dette brygget, gjekk bryggeprosessen greit. Dessverre enda eg eit stykke under forventa OG. Eg hadde heller ikkje noko søte opp vørteret med, så eg måtte ta til takke med ein OG på 1,062. Det betyr nok at det blir eit mindre søtt øl en det eigentleg skulle bli.

Skandala er sjølvsagt ikkje langt unna når Djupdalsbrygg er i gang. Med fjoråret klårt i minnet, skulle eg ikkje gå på nok ein Yeastgate. Når gjæra skulle i, var det ikkje snakk om å spare på noko. To posar med gjær var kjøpt inn, og begge enda i dunken. Her burde eg nok innsett at eg blei litt ivrig, sidan ein pose hadde haldt meir enn nok med den lave OG’en eg enda med. Resultatet blei ei utblåsning som gjorde at Red Adair nok var nær oppstandelsen. Sjølv om eg har gjærlås på så hadde eg fått bygd opp trykk nok til at plasten på lokket fekk knekkmerker… Hadde det vore aske i garasja, hadde området der ein satt askefast over Island vore eit frimerke samanlikna med sikkerheitssona ein hadde hatt rundt Djupdalsbrygg.

Eg er litt uviss på kva resultat den raske gjæringa vil gje for brygget? Det er som kjent gjæringa som gjev mykje av smaken, men det er berre å vente på resultatet. Brygget gjæra naturleg nok godt ut, med ein FG på 1,011. Noko som gjev ein ABV på 6,7%. Styrken på ølet er difor ikkje så langt frå det den skulle vere, men det har nok forsvunne litt sødme på vegen her.

Sidan eg var så treg med å skrive om brygginga, har ølet både blitt flaska og karbonert. No står det og godgjer seg på kjøl, slik alt er klart til juleribba kjem på bordet.

Oppskrift: Julefantasi, Fjerde vers

Batch Size: 23,00 l

Mash Step 1: 60 min 67 dgr
Mash Out: 10 min 75 dgr

Boil Time: 80 min

Est Original Gravity: 1,069 SG

Est Final Gravity: 1,016 SG

Estimated Alcohol by Vol: 7,0 %

Bitterness: 29,6 IBUs

Est Color: 25,7 EBC

Yeast: Danstar Nottingham Ale Beer Yeast (Max 1,5 pack….)

Grain:
6,44 kg Pale Malt, Maris Otter (5,9 EBC) Grain 1 93,3 %
0,28 kg Caramel/Crystal Malt – 80L (157,6 EBC) Grain 2 4,0 %
0,14 kg Caramel/Crystal Malt -120L (236,4 EBC) Grain 3 2,0 %
0,05 kg Roasted Barley (591,0 EBC) Grain 4 0,7 %

Hops:
29 g Northern Brewer [10,50 %] – Boil 75,0 min Hop 5 28,0 IBUs
18 g Fuggle [5,00 %] – Boil 5,0 min Hop 6 1,6 IBUs

Fermentation profile: 14 days at 19 dgr

Storage: 3 months at 10 dgr

Etikett:

Julefantasiv4

#22 Oppstandelsen

On april 17, 2017april 17, 2017 By dybingsUnder Ølbrygging, Brygging, IPA, OppskriftKommenter innlegget

Påske. Appelsin. Kvikklunsj. Klabb eller bakglatte ski. Medan årets påskehøner køyrer doble dosar insulin etter å ha lagt sesongens påskeegg (med og utan palmeolje), og Kvitekrist byrjar å livne til etter ein tredagars, er Djupdalsbrygg i gang med påskeølet. No vil vel kritiske røyster meine at det er litt seint å byrje på påskeølet første påskedag, men nokre gonger er det greitt å vere litt vågal.

c9ddec71c46a1cd4554ad68ec1c805a0

Sidan eg bryggjar først påskedag, gjev namnet seg sjølv. Oppstandelsen. Med eit slikt namn kan ein naturleg nok ikkje bryggje med lauskrut, og eg har grove djupt i humlekassa for å levere. Noko drikk gjev hår på brystet, noko gjev hårvekst litt lengre sør. Skikkeleg drikk gjev hår på innsida av augeloka, medan Oppstandelsen gjev hårvekst.

images5XQA5TFI

Skal ein brygge ein vekkjar, trengst det mykje humle. Då passer det at eg hadde mykje Citra humle. Citra, sitrus. Eg synest at påskestemninga kjem allereie. Spørsmålet blir, kan det bli for mykje humle?

No var det vel strengt tatt ikkje Kvitekrist som var opphavet til påska. Eg må seie at den keltiske «påska», feiringa av Eostre, har mi stemme. Eostre var fruktbarheitsgudinna, og i hennar månad skulle ein heidre henne med å lage born (slik dei skulle bli født på vinteren som seg hør og bør.) Difor kan ein seie at Oppstandelsen hjelper både for liten og stor. Eostre -> Easter (Tog du an.)

Sidan førre skandalebrygg har Djupdalsbrygg slått på stortromma og investert stort i nytt utstyr. Som god sunnmøring blei det sjølvsagt eit liggeunderlag, og ikkje den dyre varmekappa frå Grainfather som blei handla inn.

I tillegg blei det handla inn eit nytt humlefilter, her fotografert med det gamle.

Om nokon klarer å sjå forskjell så sei gjerne ifrå, men det fungerte faktisk betre enn det gamle?

Sidan eg har vore på ein studietur sørover i påsken, var alt klargjort og handla inn på førehand. Difor var det berre å klippe opp posen med malt og starte kverna. Meskinga skulle skje i tre steg, og starta med 5 minutt på 50 grader. Med liggeunderlaget montert, gjekk oppvarminga av vatn raskare enn vanleg. Meskinga såg ut til å gå så bra, at latskapen tok meg, og enda med ikkje å røyre rundt i mesken undervegs. Men latskap blir raskt straffa av nornene, og skandala var som vanleg ikkje langt vekk.

Den nye varmekappa gjorde at brygget starta og koke før eg trudde, og for første gong kokte det skikkeleg over. For den som har brukt varmekappe på ei bryggemaskin, så veit ein kor kjekt det er å få vørter mellom kappa og kjelen, då dette limer seg godt fast.

Humleskjema blei følgt, og 500 gram Dememera sukker tilsett 10 minutt før slutt. No stod det eigentleg at det skulle i etter 60 minutt, men det er vel meir vanleg å tilsette sukker mot slutten. Ikkje veit eg om det kunne vere eit problem, eller om det var manglande røring under meskinga som gjorde at OG blei ein del lågare enn den skulle. Eg enda på 1,062, men skulle vore på 1,071. Det er lenge sida eg har hatt eit så stort avvik i OG. Ikkje hadde eg spraymalt som kunne setjast til for å auke OG heller. No tok eg faktisk ei måling av Pre-boil OG sidan eg ikkje hadde nytta slikt sukker før. Den viste seg å vere litt lågare enn den skulle på 1,054, mot 1,057 som den skulle vore. Det betyr at det blei litt lite frå mesk, men at sukkeret gav 0,005 mindre enn det skulle. No nytta eg US-05 gjær i dette brygget, og den brukar ofte og gjære ut bra, så ein får håpe at ein får tatt inn litt der.

No kan ein kanskje seie at det ikkje er noko stort problem at ein ikkje får eit brygg på 8-9% ABV, men når ein brukar mykje humle så er det viktig at balansen i brygget er der. Alle brygg har ein balanse mellom alkohol, bitterheit og smak/aroma frå humle og malt. Blir det lite av ein faktor vil det påverke sluttproduktet.

Oppskrift Oppstandelsen
Imperial IPA

Type: All Grain
Batch Size: 23,00 l
Boil Size: 28,00 l
Boil Time: 60 min

Ingredients
Amt	Name	Type	#	%/IBU
5,50 kg	Pale Malt, Maris Otter (5,9 EBC)	Grain	1	80,9 %
0,55 kg	Caramel/Crystal Malt – 80L (157,6 EBC)	Grain	2	8,1 %
0,25 kg	Wheat Malt, Bel (3,9 EBC)	Grain	3	3,7 %
50,00 g	Citra [12,00 %] – Boil 60,0 min	Hop	4	51,9 IBUs
25,00 g	Citra [12,00 %] – Boil 30,0 min	Hop	5	19,9 IBUs
0,50 Items	Whirlfloc Tablet (Boil 15,0 mins)	Fining	6	–
10,00 g	Amarillo [9,20 %] – Boil 10,0 min	Hop	7	2,9 IBUs
10,00 g	Cascade [5,50 %] – Boil 10,0 min	Hop	8	1,7 IBUs
0,50 kg	Dememera Sugar [Boil for 10 min](3,9 EBC)	Sugar	9	7,4 %
25,00 g	Citra [12,00 %] – Boil 1,0 min	Hop	10	1,1 IBUs
10,00 g	Amarillo [9,20 %] – Boil 1,0 min	Hop	11	0,3 IBUs
10,00 g	Cascade [5,50 %] – Boil 1,0 min	Hop	12	0,2 IBUs
10,00 g	Nelson Sauvin [12,00 %] – Boil 1,0 min	Hop	13	0,4 IBUs
125,00 g	Citra [12,00 %] – Dry Hop 7,0 Days	Hop	14	0,0 IBUs
50,00 g	Centennial [10,00 %] – Dry Hop 7,0 Days	Hop	15	0,0 IBUs

Gravity, Alcohol Content and Color

Est Original Gravity: 1,071 SG
Est Final Gravity: 1,010 SG
Estimated Alcohol by Vol: 8,1 %
Bitterness: 78,6 IBUs
Est Color: 23,2 EBC

Measured Original Gravity: 1,062 SG
Calories: 582,4 kcal/l

Mash Profile

Mash Steps
Name	Description	Step Temperature	Step Time
Protein Rest	Add 20,5 L	50,0 C	5 min
Saccharification		64,0 C	75 min
Mash Out		75,0 C	10 min

Sparge: Fly sparge with 12,5 l water at 75,6 C

Carbonation and Storage

Yeast: US-05

Fermentation: 14 days

Fermentation Temperature: 20 C